Internasionale
Afrikaans-Ekspo

vir skoolleerders en studente


Lees Meer Skryf Aanlyn In

Wat is die Internasionale Afrikaans-Ekspo?

Die Internasionale Afrikaans-Ekspo is ’n opwindende skryf- en kreatiewe kunstekompetisie wat fokus op leerders en studente se kreatiewe hantering van Afrikaans. Tesame met die feit dat dit pret is om deel te neem, word leerders ook gehelp met hulle skryfproses deurdat hulle terugvoer kry van die beoordelaars.

Algemene Inligting

Wie kan deelneem?

Alle graad 1- tot 12-leerders en studente in Suid-Afrika en Namibië asook enige land ter wêreld waar Afrikaans as moedertaal of nie-moedertaal gebruik word of bestudeer word. Graad 1- tot 5-leerders kan deelneem aan voordrag, skilderkuns en poësie, alle ander leerders en studente kan aan al die kategorieë deelneem.

Hoe neem ek deel?

Inskrywings kan op 2 maniere ingedien word:

Aanlyn by ekspo.fak.org.za

Per hand of koerier na die FAK-kantoor (Slegs kunswerke kan op die manier ingedien word.)

Sperdatum

Alle inskrywings moet teen 12 Julie 2021 ingehandig wees. Geen laat inskrywings sal aanvaar word nie.

Vanjaar se tema is BOEKE

Lank lank gelede ...

Reeds in 1856 gee Afrikaanse sy eerste tree met die eerste gepubliseerde Afrikaanse teks. Van daar af ontstaan die eerste gewilde stories in Afrikaans. Stories soos die Drie varkies, Aspoestertjie, Kringe in ’n bos, Maasdorp, Trompie, Saartjie en vele meer. Nou honderd vyf en sestig jaar later is Afrikaanse boeke steeds ’n gewilde tydverdryf waar oud en jonk hulle in die verhale van karakters kan inleef. Ons dink aan legendes soos o.a. Dalene Matthee, Stella Blakemore, Bettie Naudé en Topsy Smith wat baanbrekerswerk verrig het. Natuurlik is daar ook vandag skrywers soos o.a. Jaco Jacobs, Christien Neser, Carina Diedericks-Hugo en Cathy Hopkins wat nuwe pret en plesier tot Afrikaanse BOEKE voeg.

Natuurlik baljaar ons nie net in die stories van ons karakters nie, maar leer ook lesse van wat reg en verkeerd is. Rooikappie sal vir jou sê dat jy nie sommer enige iemand moet vertrou nie en die drie varkies om eerder alles wat jy doen van die begin af reg te doen.

Afrikaanse boeke lees nie net lekker nie, maar beeld ook die storie met die mooiste woorde uit. Die boeke verander ook soms in rolprente wat familietyd en plesier verskaf. Boeke sal altyd vir ons ’n weg gee om van die besige lewe te ontsnap en so aan ons Afrikaanse taal waarde voeg.

Ons hoop dat jy weer sal gaan wegraak in ons wonderlike Afrikaanse stories en vanjaar se tema sal geniet.

Fluit-fluit my storie is uit.

Ns. Ouma, hoekom is Ouma se oë so groot? Om jou beter te kan sien my kind ...

Kategorieë

Dagboekinskrywings

Afhangende van jou skoolgraad, skryf dagboekinskrywings oor jou klaswerk of enige iets wat met BOEKE verband hou.

Meer inligting

Resensie

Skryf 'n resensie oor enige Afrikaanse boek, Afrikaanse film of Afrikaanse CD wat jy onlangs gelees, geluister of na gekyk het.

Meer inligting

Opstel

Skryf 'n opstel van jou keuse of oor enige tema wat jy in die klas gedoen het, of gebruik die tema BOEKE.

Meer inligting


Kortverhaal

Skryf ’n kortverhaal van jou keuse, maar hou ook die tema BOEKE in gedagte.

Meer inligting

Poësie

Skryf ’n oorspronklike Afrikaanse gedig oor enige onderwerp, maar hou die tema BOEKE in gedagte.

Meer inligting

Fotografie

Neem 'n enkelfoto wat BOEKE uitbeeld

Meer inligting

Voordrag: Prosa en Poësie

Kies 'n stuk/gedig vanuit 'n boek. Dra dit voor en stuur jou video vir ons.

Meer inligting

Skilderkuns en Tekenkuns

Maak 'n skildery of kunswerk waarin jy die tema BOEKE uitbeeld.

Meer inligting